Тропарь и кондак преподобномученику Варлааму, архимандриту Белогорскому


Текст утвержден Священным Синодом
Русской Православной Церкви
22 октября 2015 года
(журнал № 81)
 
 

Ме́сяца а́вгуста в 12-й день
Преподобному́ченика Варлаа́ма, архимандри́та Белого́рскаго

 

Тропа́рь, глас 8:

От ю́ности пути́ Христо́ва вожделе́в,/ на горе́, Бо́гом избра́нней, всели́лся еси́,/ иде́же, мно́жество и́ноков собра́в,/ со́нму христолю́бцев свети́льник яви́лся еси́,/ ду́шу же свою́ за бли́жния полага́я,/ безбо́жными уму́чен был еси́./ Моли́ о нас Христа́ Бо́га, преподобному́чениче Варлаа́ме,// чту́щих святу́ю па́мять твою́.

Конда́к, глас 4:

Я́ко по́стника иску́снаго/ и страда́льца добропобе́днаго,/ моли́твенника усе́рднаго/ и наста́вника прему́драго/ досто́йно почти́м Варлаа́ма приснохва́льнаго,/ ты бо ко́зни вра́жия низложи́л еси́ // и вене́ц пра́вды от Бо́га прия́л еси́.




-->